‘आरएफओ’ पदी नियुक्ती झाल्याबद्दल दर्शना पवारचा तर कनिष्ठ अभियंतापदी नियुक्ती झाल्याबद्दल प्रियंका जाधवचा स्नेहलताताई कोल्हे यांच्या हस्ते सत्कार 
मुख्य संपादक -राजेंद्र तासकर
कोपरगाव येथील कु.दर्शना दत्तू पवार हिची वन विभागात‘परिक्षेत्र वन अधिकारी’(आरएफओ) या पदावर तर कु.प्रियंका कैलासराव जाधव हिची जलसंपदा विभागात‘कनिष्ठ अभियंता’या पदावर तर नियुक्ती झाली आहे.या नेत्रदीपक यशाबद्दल भाजपच्या प्रदेश सचिव तथा माजी आमदार स्नेहलताताई बिपीनदादा कोल्हे यांनी दर्शना पवार आणि प्रियंका जाधव यांचा सत्कार करून दोघींचे हार्दिक अभिनंदन केले. दर्शना पवार व प्रियंका जाधव या दोन्ही मुली सर्वसामान्य कुटुंबातील असून,या दोघींनी हे नेत्रदीपक यश मिळवून आपल्या कुटुंबासोबत कोपरगाव तालुक्याचाही नावलौकिक वाढविला आहे.या दोन्ही मुलींनी मिळवलेले हे यश कोपरगाव तालुक्यासाठी निश्चितचअभिमानास्पद आहे,अशा शब्दांत स्नेहलताताई कोल्हे यांनी त्यांचे कौतुक केले.
कोपरगाव येथील दर्शना दत्तू पवार हिची महाराष्ट्र लोकसेवा आयोगामार्फत(एमपीएससी)घेण्यात आलेल्या परीक्षेतून‘परिक्षेत्र वन अधिकारी’(आरएफओ)या पदावर नियुक्ती झाली आहे. महाराष्ट्र लोकसेवा आयोगाच्या वतीने‘आरएफओ’पदासाठी घेण्यात आलेल्या परीक्षेत दर्शना पवार हिने चांगल्या गुणांनी उत्तीर्ण होऊन राज्यात मुलींमध्ये सातवा क्रमांक पटकावला आहे.या यशाबद्दल स्नेहलताताई बिपीनदादा कोल्हे यांनी दर्शना पवार हिचा कोल्हे वस्ती येथील आपल्या निवासस्थानी सत्कार करून हार्दिक अभिनंदन केले.याप्रसंगी आदरणीय माई श्रीमती सिंधुताई कोल्हे व दर्शना हिचे वडील दत्तू पवार उपस्थित होते. दर्शना पवार ही सामान्य कुटुंबातील असून,तिचे वडील दत्तू पवार हे संजीवनी उद्योग समूहात कर्मचारी आहेत.दर्शना पवार ही एमपीएससीमार्फत घेण्यात आलेल्या परीक्षेत चांगले गुण मिळवून उत्तीर्ण झाली असून,तिची परिक्षेत्र वन अधिकारी (आरएफओ)या पदावर नियुक्ती झाली आहे.या यशामध्ये कोल्हे कुटुंबीयांचा फार मोठा वाटा असून,बिपीनदादा कोल्हे, स्नेहलताताई कोल्हे व विवेकभैय्या कोल्हे यांनी वेळोवेळी केलेल्या सहकार्यामुळे आपण हे यश मिळवू शकलो,असे दर्शना पवार हिने यावेळी सांगितले.
कोपरगाव शहरातील लक्ष्मीनगर भागात राहणारी प्रियंका कैलासराव जाधव ही जलसंपदा विभागाच्या (वॉटर रिसोर्स डिपार्टमेंट-डब्ल्यूआरडी) सरळसेवा भरती परीक्षेत उत्तीर्ण झाली असून,तिची जलसंपदा विभागात‘कनिष्ठ अभियंता’(ज्युनियर इंजिनीअर)’या पदावर नियुक्ती झाली आहे.प्रियंका जाधव हिने कोपरगाव येथील संजीवनी इंजिनीअरिंग कॉलेजमध्ये सिव्हील इंजिनीअरिंग शाखेत शिक्षण पूर्ण केले असून,प्रथम श्रेणीत उत्तीर्ण होऊन सिव्हील इंजिनीअरिंगची पदवी संपादन केली आहे.ती सध्या छत्रपती संभाजीनगर येथे एम.टेक.चे शिक्षण घेत आहे.हे शिक्षण घेत असतानाच प्रियंका जाधव हिने स्पर्धा परीक्षेची तयारी करत जलसंपदा विभागाच्या (वॉटर रिसोर्स डिपार्टमेंट-डब्ल्यूआरडी) वतीने घेण्यात आलेली सरळसेवा भरती परीक्षा दिली होती.या परीक्षेत प्रियंका जाधव उत्तीर्ण झाली असून,तिची जलसंपदा विभागात कनिष्ठ अभियंता (ज्युनियर इंजिनीअर) या क्लास वनच्या पदावर नियुक्ती झाली आहे. प्रियंकाचे वडील कैलासराव जाधव हे चंद्रकांत प्रिंटिंग प्रेसमध्ये बाइंडिंग कारागीर म्हणून काम करतात,तर तिची आई सौ. मंदाकिनीताई जाधव ह्या गृहिणी आहेत.प्रियंका जाधव हिची जलसंपदा विभागात‘कनिष्ठ अभियंता’या पदावर नियुक्ती झाल्याबद्दल भाजपच्या प्रदेश सचिव तथा माजी आमदार स्नेहलताताई बिपीनदादा कोल्हे यांनी कोपरगाव येथील भाजप जनसंपर्क कार्यालयात प्रियंका जाधव हिचा सत्कार करून पुढील वाटचालीसाठी शुभेच्छा दिल्या यावेळी प्रियंकाची आई मंदाकिनीताई जाधव,वडील कैलासराव जाधव,अमृत संजीवनी शुगर केन ट्रान्सपोर्ट कंपनीचे संचालक गोपीनाथ गायकवाड आदी उपस्थित होते.
दर्शना पवार आणि प्रियंका जाधव या दोन्ही मुली सर्वसामान्य कुटुंबातील असून,त्यांनी प्रतिकूल परिस्थितीवर मात करून स्पर्धा परीक्षेमध्ये उत्तीर्ण होऊन शासकीय नोकरी प्राप्त केली आहे.त्यांनी आपल्या कुटुंबासोबत कोपरगाव तालुक्याचे देखील नाव उज्ज्वल केले आहे याचा आपणास सार्थ अभिमान वाटतो.कोल्हे परिवार आणि संजीवनी उद्योग समुहाच्या वतीने स्पर्धा परीक्षांची तयारी करणाऱ्या विद्यार्थ्यांना नेहमीच पाठबळ दिले जाते.यापुढील काळातही स्पर्धा परीक्षांची तयारी करणाऱ्या विद्यार्थ्यांना सर्वतोपरी मदत केली जाईल,अशी ग्वाही स्नेहलताताई कोल्हे यांनी दिली.
