संजीवनी पतसंस्थेच्या वार्षीक सर्वसाधारण सभेत सभासदांना मार्गदर्शन करतांना अध्यक्ष विवेक भैय्या कोल्हे,यावेळी माजी संचालकांचा संजीवनी एज्युकेशन सोसायटीने कार्याध्यक्ष नितीनदादा कोल्हे व युवानेते विवेकभैय्या कोल्हे यांच्या हस्ते सत्कार करण्यांत आला.
संपादक – राजेंद्र तासकर
माजीमंत्री स्व.शंकरराव कोल्हे यांनी शेतकरी सभासदांना बचतीची सवय लावुन त्यातुन अर्थकारणाला गती दिली.स्व.शंकरराव कोल्हे यांची प्रेरणा,संजीवनी उद्योग समुहाचे अध्यक्ष बिपीनदादा कोल्हे आणि भाजपाच्या प्रदेश सचिव सौ. स्नेहलताताई कोल्हे यांच्या मार्गदर्शनाखाली संजीवनी पतसंस्थेचा दैनंदिन कारभार सुरू असुन सभासद शेतकरी ठेवीदार व सर्व हितचिंतकांच्या विश्वासामुळेच संजीवनी पतसंस्थेची आर्थीक घौडदौड असल्याचे प्रतिपादन युवानेते,जिल्हा बँकेचे संचालक विवेकभैय्या कोल्हे यांनी केले.
संजीवनी सहकारी पतसंस्थेची ३९ वी वार्षीक सर्वसाधारण सभा नुकतीच संपन्न झाली त्याप्रसंगी ते अध्यक्षपदावरून बोलत होते.प्रारंभी संभेचे अध्यक्ष प्रदिप माधवराव नवले व उपाध्यक्ष राजेंद्र सखाहरी परजणे यांनी उपस्थितांचे स्वागत केले. अहवाल सालात दिवंगत झालेल्या मान्यवरांना तर संस्थेचे प्रमुख आधारस्तंभ माजीमंत्री स्व.शंकरराव कोल्हे यांच्या सामाजिक सांस्कृतिक शैक्षणिक राजकीय कारकिर्दीचा आढावा अध्यक्ष प्रदिप नवले यांनी घेवुन उपस्थितांनी श्रध्दांजली वाहिली. विषय पत्रिकेवरील सर्व विषय टाळयांच्या गजरात मंजुर करण्यांत आले.मुख्य व्यवस्थापक विलास रोहमारे यांनी मागील सभेचे इतिवृत्त वाचले सभासदांनी ते कायम केले. यावेळी आजी माजी संचालकांचा संजीवनी एज्युकेशन सोसायटीचे कार्याध्यक्ष नितीनदादा कोल्हे व विवेकभैय्या कोल्हे यांच्या हस्ते सत्कार करण्यांत आला.
श्री.विवेकभैय्या कोल्हे पुढे म्हणाले की,संजीवनी पतसंस्थेकडे १३३ कोटी रूपयांच्या ठेवी असुन भव्य व सुसज्ज इमारत आहे. कर्जवाटप ९५ कोटी रूपये तर संस्थेची ६० कोटी रूपयांची गुंतवणुक असुन स्वनिधी २५ कोटी रूपये आहे.संस्थेस नेहमीच ऑडीट वर्ग अ मिळत आलेला आहे.सभासदांना २०२१.२२ या आर्थीक वर्षात १५ टक्के लाभांश देण्यांत येणार आहे.छोटया-मोठया शेतक-यांसह व्यावसायिकांच्या आर्थीक प्रगतीसाठी माजीमंत्री स्व. शंकरराव कोल्हे यांनी या संस्थेच्या माध्यमांतुन मोठे कष्ट घेतले आहे. त्यांचा विश्वास पुढेही कायम ठेवु.
याप्रसंगी सहकारमहर्षी शंकरराव कोल्हे सहकारी साखर कारखान्यांचे उपाध्यक्ष रमेश घोडेराव, संचालक ज्ञानेश्वर परजणे,आप्पासाहेब दवंगे,विलास माळी,संजय होन,सतिष आव्हाड,त्रंबकराव सरोदे,मनेष गाडे, विलासराव वाबळे,बापूसाहेब बारहाते,शिवाजीराव वक्ते,जिल्हा भाजपाचे उपाध्यक्ष शरद थोरात,भाजपा तालुकाध्यक्ष साहेबराव रोहोम, संजीवनी पतसंस्थेचे संचालक शिवाजीराव लहारे,भाउसाहेब आदिक, राजेंद्र बागुल,रमेश उगले,श्रीकांत चांदगुडे,संदिपराव गुरूळे,मंदाकिनी अनंत बडवर,मनिषा गणपत राउत, एल.डी.पानगव्हाणे,पुरूषोत्तम बोरावके,अशोक टुपके,केशव भवर, शेतकरी संघाचे अध्यक्ष संभाजीराव गावंड,उपाध्यक्ष विलासराव कुलकर्णी, नारायण अग्रवाल यांच्यासह आजी माजी संचालक,विविध संस्थांचे पदाधिकारी,सभासद मोठया संख्येने उपस्थित होते.शेवटी उपाध्यक्ष राजेंद्र सखाहरी परजणे यांनी आभार मानले.
