मुख्य संपादक -राजेंद्र तासकर
कोपरगांव-आषाढी एकादशीच्या निमित्तानं श्रीमान गोकुळचंदजी विद्यालयात विदयार्थी वारकरी बनले आणि वारकरी दिंडीचे आयोजन उत्साहाने करण्यात आले.
वारकऱ्यांच्या वेशभूषेतील लहान मुले,पालखी मिरवणूक आणि विठू नामाचा गजर,अशा भक्तिमय वातावरणात शहरातील मुख्य मार्गावर विद्यालयचा विद्यार्थ्यांचा दिंडी सोहळा रंगला.
विठ्ठल-रखुमाई,संत ज्ञानेश्वर,संत तुकाराम,आदि संतांच्या वेशभूषा केलेले विद्यार्थी दिंडी सोहळ्यात सहभागी झाले होते.शाळेतील काही वर्गातील विदयार्थी सकाळी शाळेच्या मैदानावर जमले.पालखी तयार करुन त्यात विठ्ठलाची प्रतिमा पूजन करुन ठेवण्यात आली होती.मुलांच्या हातात भगवे झेंडे तर मुलींच्या डोक्यावर तूळशी वृंदावन यामुळे आपण साक्षात पंढरीत असल्याचा भास होत होता. लहान मुले आज पांढरा झब्बा,डोक्यावर टोपी, कपाळी बुक्का, गळ्यात टाळ आणि मुली नऊवारीत आलेल्या व केसात गजरा,डोक्यावर तुळस यामुळे दिंडीचे वातावरण उत्साह पुर्ण झाले होते. यावेळी शाळेच्या दिंडी सोहळ्याच्या भक्ती रसात तल्लीन झाल्याचे सर्वानी अनुभवले.
यामध्ये विदयालयांचे विदयार्थीनी ज्ञानोबा माऊली तुकाराम’या अभंगांचे गायन करून टाळ व वीणा यांच्या तालावर ठेका धरत नृत्य तसेच विठ्ठल फुगडी खेळून प्रत्यक्षात पंढरपुरातील भक्तिमय वातावरण शाळेच्या मैदानावर निर्माण करण्यात आले. विदयालयांतील कु.सृष्टी दादा जाधव,
भार्गवी राजेंद्र कांबळे,सचिन खामकर यांनी विठुमाऊली नृत्य सादर केले.तर
माऊली माऊली व रखुमाई गीत, अभंग विशाल भास्कर सानप,निखिल सागर आव्हाड,रुद्राक्ष कैलास शिंदे,यश भाऊसाहेब बाचकर,सार्थक जय कुदळे,सार्थक योगेश आव्हाड,वेदांत नवनाथ आव्हाड,प्रेम सुनील अहिरे यांनी सादर केला.
हा उपक्रम यशस्वी करण्यासाठी विदयालयांचे शिक्षक श्री.अतुल कोताडे, श्री.अनिल अमृतकर,श्री. योगेश गवळे,सौ.संजीवनी डरांगे,सौ.सुजाता अजमेरे,सौ.पल्लवी तुपसैंदर,सौ.छाया निंबाळकर,श्री.पंकज जगताप, श्री.संजय बर्डे, आदि शिक्षकांनी विशेष परीश्रम घेतले.
वारकरी दिंडी आयोजनाबद्दल कोपरगांव एज्युकेशन सोसायटीचे अध्यक्ष कैलास ठोळे,सचिव दिलीप अजमेरे,सहसचिव सचिन अजमेरे, स्थानिक स्कुल कमेटीचे चेअरमन श्री.चंद्रकांत ठोळे,श्री.संदीप अजमेरे, श्री.अमोल अजमेरे,श्री.राजेश ठोळे आदिंनी विदयार्थाचे कौतुक केले आहे. विदयालयाचे मुख्याध्यापक श्री.मकरंद को-हाळकर,उपमुख्याध्यापक श्री. रमेश गायकवाड,पर्यवेक्षिका उमा रायते मॕडम आदि बहुसंख्य शिक्षक, शिक्षिका या विदयार्थी दिंडीत सहभागी झाले होते.
