मुख्य संपादक -राजेंद्र तासकर
कोपरगाव : महाराष्ट्र राज्य टेनिस व्हाॕलीबाॕल असोशिएशन व अहमदनगर जिल्हा टेनिस व्हाॕलीबाॕल असोशिएशनच्या संयुक्त विदयमाने २५वी राज्य टेनिस व्हाॕलीबाॕल सब ज्युनिअर व ज्युनिअर स्पर्धा शिर्डी येथे नुकतीच पार पडली.
या स्पर्धेचे उदघाटन शिर्डी येथिल डी.वाय एस.पी. मा.संदीप मिटके यांचे शुभहस्ते संपन्न झाले.त्या प्रसंगी त्यांनी खेळाडुंना मार्गदर्शन केले ते म्हणाले की,आजच्या मोबाईल व डीजिटल तंत्रज्ञानाच्या युगात अशा स्पर्धा आयोजित करणे गरजेचे आहे. आजकाल मुले ही मैदानापासुन दुर जात आहे.त्यामुळे त्यांना मैदानावर आकर्षित करण्यासाठी अशा स्पर्धा महत्वाच्या आहेत.यावेळी महाराष्ट्र राज्यातुन १८ जिल्ह्यातील २०० खेळाडु व ५० प्रशिक्षक यावेळी स्पर्धामध्ये सहभागी झाले.
या स्पर्धेच्या उदघाटन समारंभाच्या अध्यक्ष स्थानी टेनिसव्हाॕलीबाॕल फेडरेशनचे अध्यक्ष शिवछत्रपती पुरस्कार विजेते आनंद खरे उपस्थित होते. महाराष्ट्र टेनिसव्हाॕलीबाॕलचे सचिव गणेश माळवे यांनी या खेळाचे जनक प्रा.व्यंकटेश वांगवाड हे आहेत असे स्पष्ट करुन स्पर्धे ची माहीती दिली. टेनिसव्हाॕलीबाॕल या खेळाची व्याप्ती सांगितली आणि हा खेळ शालेय स्पर्धेत सामाविष्ट झाला असुन डिसेंबर मध्ये याच्या राज्यस्तरीय स्पर्धा होणार असल्याचे स्पष्ट केले.
या कार्यक्रमाचे प्रास्ताविक अहमदनगर जिल्हा टेनिसव्हाॕलीबाॕलचे असो. अध्यक्ष मकरंद को-हाळकर यांनी केले.या कार्यक्रमाचे बहारदार सुत्रसंचलन राष्ट्रीय व्हाॕलीबाॕल प्रशिक्षक शिर्डी येथील राजेंद्र कोहकडे यांनी केले.
याप्रसंगी टेनिसव्हाॕलीबाॕल असो. उपाध्यक्ष आबा शिरसाठ,राज्य कोषाध्यक्ष डाॕ.दिनेश शिंगारम,तांत्रिक समितेचे चेअरमन प्रफुल्ल बन्सोड, रेफरी बोर्डाचे सचिव सतिश नावाडे, मुंबई विभागिय सचिव अशोक शिंदे, विविध जिल्हा सचिव देवानंद नेमाणे,(बुलढाणा),शाम भोसले(पुणे शहर), रामेश्वर राठोड (अकोले),नावेद पठाण (हींगोली)तेजस पाटील(मुंबई उपनगर),शेख खमर (बीड)प्रमोद महाजन(संभाजी नगर) जिल्हा असो.सदस्य निलेश बडजाते, रिजवान पठाण आदि या प्रसंगी उपस्थित होते.अहमदनगर जिल्हा टेनिस व्हाॕलीबाॕलचे सचिव शिवराज पाळणे यांनी आभार मानले.या स्पर्धाला शिर्डीतील क्रीडाप्रेमी नागरीक मोठ्या संख्येने उपस्थित होते.
