मुख्य संपादक -राजेंद्र तासकर
कोपरगाव- दिव्यांग शक्ती सेवा संस्थेचे प्रथम वर्धापन व जागतिक दिव्यांग दिनानिमित्त दिव्यांगासाठी अंत्योदय रेशन कार्ड व संजय गांधी निराधार योजना अर्ज संकलन शिबिर,तसेच तीन दिव्यांग बांधवांना तीन चाकी सायकल व एका दिव्यांग बांधवांना कानाचे मशीन वाटप माजी राज्यमंत्री आमदार प्राजक्त दादा तनपुरे व जिल्हाध्यक्ष लक्ष्मणराव पोकळे साहेब यांच्या शुभहस्ते पुण्यश्लोक अहिल्या भवन या ठिकाणी करण्यात आले.
या कार्यक्रमाचे अध्यक्ष पुण्यश्लोक अहिल्यादेवी होळकर प्रतिष्ठानचे संस्थापक अध्यक्ष विजय तमनर हे होते.जिल्हाध्यक्ष मधुकर घाडगे यांच्यावाढदिवस असल्याने केक कापून आ.प्राजक्त दादा तनपुरे यांच्या हस्ते सत्कार करण्यात आला.तसेच झी मराठी सारेगमप लिटिल चॅम्पमध्ये उपविजेता चि.जयेश खरे याचाही विशेष सत्कार करण्यात आला.
मधुकर घाडगे यांनी प्रास्ताविकामध्ये सांगितले कि,दिव्यांग शक्ती सेवा संस्था स्थापन करून एकच वर्षे झाले या एका वर्षात माणुसकीची भिंत या उपक्रमांतर्गत 30 दिव्यांग बांधवांना दिव्यांग उपयोगी साहित्य वाटप करण्यात आले,संस्थेच्या माध्यमातून दोन दिव्यांगांना व्यावसाय उभा करून देण्यात आला,एक दिव्यांग भगिनीस भाजीपाल्यासाठी हात गाडी व दुसऱ्या दिव्यांग बांधवास फोटो फ्रेम चा व्यवसाय करण्यासाठी टपरी देण्यात आली,या वर्षांमध्ये 500 हून अधिक दिव्यांग बांधवांना संजय गांधी निराधार योजना व 150 दिव्यांग बांधवांना अंत्योदय रेशन कार्डचा लाभ तहसील कार्यालयाच्या माध्यमातून देण्यात आला,आनंद ऋषी नेत्रालय अ.नगर यांच्या माध्यमातून 400 हून अधिक ज्येष्ठ नागरिकांचे मोफत नेत्र मोतीबिंदू शस्त्रक्रिया शिबिराचा लाभ देण्यात आला,संस्थेच्या प्रयत्नाने ब्राह्मणी ग्रामपंचायत माध्यमातून दिव्यांगासाठी दोन व्यवसाय गाळे बांधण्यात आले, राहुरी खुर्द येथील ग्रामपंचायतच्या माध्यमातून पाच गुंठे जागा मिळवली, आजारी दोन दिव्यांग पेशंटसाठी तीस हजार रुपयाची मदत केली,राहुरी तालुक्यातील पन्नासहून अधिक दिव्यांग बांधवांचे दिव्यांग वित्त महामंडळाकडे कर्ज प्रस्ताव दाखल करण्यात आले,दहा दिव्यांग बांधवांना बीज भांडवल कर्ज मिळवून दिले, 250 हुन अधीक दिव्यांग बांधवांना रेल्वे पास मिळून दिले त्याचबरोबर वेगवेगळे शिबिर आयोजित करण्यात येत असते.मधुकर घाडगे यांनी राहुरी शहरामध्ये दिव्यांग बांधवांसाठी फिजिओथेरपी सेंटर दिव्यांग आश्रम विरंगुळा केंद्र स्थापन करण्यासाठी जागा व बांधकाम उपलब्ध करून द्यावा अशी आमदार साहेबांकडे प्रमुख मागणी करण्यात आली आहे.
प्राजक्त दादा तनपुरे यांनी आपल्या भाषणामध्ये सांगितले की,राहुरी नगरपालिका 2016 पासून बच्चुभाऊ कडू यांच्या मार्गदर्शनाखाली सुरुवात केली दिव्यांगाचे प्रश्न सोडविले जातात यावर्षी तर दिवाळीच्या अगोदरच पाच टक्के निधी वाटप करण्यात आला. दिव्यांग शक्ती सेवा संस्थेची मागणी रास्त आहे लवकरच मुख्याधिकारी साहेबांबरोबर मीटिंग लावून आपल्या जागेचा प्रश्न मार्गी लावला जाईल, दिव्यांग संस्थेने खूप चांगले काम केले आहे.दिव्यांगासाठी खूप चांगले काम संस्थेचे आहे,संस्थापक अध्यक्ष मधुकर घाडगे प्रसिद्धी न करता दिव्यांगासाठी काम करत असतात.यावेळी वैशाली शिंदे,लक्ष्मणराव पोकळे साहेब,विजय तमनर यांची भाषणे झाली.यावेळी संस्थेचे मार्गदर्शक दादासाहेब मोरे सर, बाबुराव शिंदे सर,जिल्हा सल्लागार सलीम भाई शेख,तालुकाध्यक्षा सौ. छायाताई हारदे,संघटक तुकाराम बाचकर,अभियंता शेळके साहेब, सुभाष कोकाटे सर,अ.नगर तालुकाध्यक्ष किशोर सूर्यवंशी,संदेश रपाडिया,श्रीगोंदा तालुकाप्रमुख राजेंद्र पोकळे,महिला संपर्कप्रमुख भिमाबाई शिर्के,गवळी मॅडम प्रमुख उपस्थित होती.
कार्यक्रमाचे सूत्रसंचालन जिल्हा समन्वयक आप्पासाहेब ढोकणे यांनी केले यावेळी अंतोदय रेशन कार्ड साठी व संजय गांधी निराधार योजनेसाठी अर्ज 300 हुन अधिक अर्ज संकलन करण्यात आले ते तहसीलदार साहेबांकडून पाठपुरावा करून मंजूर करण्यात येईल हा कार्यक्रम पार पडण्यासाठी तालुकाध्यक्ष योगेश लबडे,दत्तात्रय खेमनर,संपर्कप्रमुख रवींद्र भुजाडी,महिला अध्यक्ष अनामिका हरेल,तालुका समन्वयक नानासाहेब शिंदे,कार्याध्यक्ष सुरेश दानवे,शहर कार्याध्यक्ष संजय देवरे, संघटक राजेंद्र आघाव,विठ्ठल पाडे व सर्व शाखाध्यक्ष यांनी परिश्रम घेतले.
