कोपरगाव – कवी कुसुमाग्रज यांच्या जयंतीनिमित्त मराठी भाषा गौरव दिन साजरा केला जातो. शब्दगंध साहित्यिक परिषद महाराष्ट्र राज्य कोपरगाव शाखेच्या वतीने रयत शिक्षण संस्थेच्या डॉ सी एम मेहता कन्या विद्यालयात मराठी भाषा दिनानिमित्त विद्यार्थीनींना प्रेरणा देण्यासाठी कविता वाचन समारंभाचे आयोजन करण्यात आले होते.
सुनील गोसावी यांच्या संकल्पनेतून व कोपरगाव शाखेच्या अध्यक्षा सौ ऐश्वर्यलक्षमी संजय सातभाई यांच्या मार्गदर्शनाखाली स्वाती मुळे, सौ. वंदना चिकटे यांनी आयोजन केले होते अध्यक्षस्थानी प्राचार्या अनिता धनक होत्या मुलींनी मोठ्या उत्साहाने सहभाग घेतला.
सर्व सहभागी कविंना प्रमाणपत्र, शब्दगंध साहित्यिक परिषद प्रकाशित व जेष्ठ लेखक डॉ दादासाहेब गलांडे लिखित पुस्तक, माजी नगराध्यक्ष संजय सातभाई यांच्या वतीने पेन देऊन सन्मानित करण्यात आले.
समारंभासाठी उपप्राचार्या उज्वला म्हस्के, पर्यवेक्षक सुनिता पवार, पर्यवेक्षक प्रभाकर आभाळे, शब्दगंध साहित्यिक परिषदेचे प्रसिद्धी प्रमुख हेमचंद्र भवर, कवी प्रमोद येवले उपस्थित होते. सर्व उपस्थित मान्यवरांच्या हस्ते प्रतिमा पूजन करण्यात आले. सांस्कृतिक विभागाच्या मुंढेताई यांनी आभार मानले.
